Posts

Showing posts from February, 2018

ທຸດົງ

ທຸດົງ​ຄ໌ ທຸດົງ​ຄ໌ ບາ​ລີ​ວ່າ ທຸ​ຕັງ​ຄະ ​ເປັນ​ວັດ​ປະຕິບັດ​ທີ່​ພຣະພຸດທະ​ເຈົ້າ​ຊົງ​ອະນຸຍາດ​ໄວ້ ​ແຕ່​ບໍ່​ມີ​ການ​ບັງຄັບ ​ແລ້ວ​ແຕ່​ຜູ້​ໃດ​ຈະ​ສະໝັກ​ປະຕິບັດ ​ເປັນ​ອຸບາຍ​ກຳຈັດ​ກິ​ເລ​ສ ​ເຮັດ​ໃຫ້​ເກິ​ດຄວາມ​ມັກ​ນ້ອຍ​ສັນ​ໂດດ ຍິ່ງ​ຂຶ້ນ​ໄປ ບໍ່​ສະ​ສົມ​ເພື່ອ​ໃຫ້​ເບົາ​ສະບາຍ ​ໄປມາ​ໄດ້​ສະດວກ​ສະບາຍ ບໍ່​ມີ​ພາລະ​ໜ້າ​ທີ່​ຫຼາຍ ​ເໝືອນ​ນົກ​ທີ່​ມີ​ພຽງ​ປີກ​ສັນ​ນັນ.. ​ແຕ່ບໍ່​ແມ່ນ​ເພື່ອ​ສະ​ສົມ ຫຼື​ລາບ​ສັກກາລະ ​ແລະ​ຊື່ສຽງ ຖ້າ​ເຮັດ​ເພື່ອ​ລາບ ​ເພື່ອ​ຊື່​ສຽງ ຕ້ອງ​ອາບັດ​ທຸກ​ກົດ.. ​ໂດຍ​ຮູບ​ສັບ ທຸດົງ ​ແປ​ວ່າ​ອົງ​ຄຸນ​ເປັນ​ເຄື່ອງ​ກຳຈັດ​ກິ​ເລ​ສ ອົງ​ຄຸນ​ຂອງ​ຜູ້​ກຳ​ຈັດ​ກິ​ເລ​ສ ຫຼື​ການ​ສະມາທານ​ເພື່ອ​ເປັນ​ເຄື່ອງ​ກຳຈັດ​ກິ​ເລ​ສ ທີ່​ເປັນ​ອັນຕະລາຍ​ຕໍ່​ສັມມາ​ປະຕິບັດ ປະຈຸ​ບັນ​ນີ້​ມີ​ການ​ເຂົ້າ​ໃຈ​ວ່າ ທຸດົງ ຄື​ການ​ຍ່າງ​ຈາລິກ​ ​ຂອງ​ພຣະສົງ​ສາມະ​ເນນ ໄປໃນ​ທີ່​ຕ່າງ ໆ ຫຼື​ເອີ້ນ​ວ່າ ​ເດີນ​ທຸດົງ ​ເຊິ່ງຄວາມ​ໝາຍ​ນີ້ ​ແລະ​ຄວາມ​ເຂົ້າ​ໃຈ​ແບບ​ນີ້ ​ແຕກ​ຕ່າງ​ໄປ​ຈາກ​ຄວາມ​ໝາຍ​ດັ້ງ​ເດີມ​ໃນ​ພຣະ​ໄຕຣປິ​ດົກ.. ຄວາມ​ໝາຍ​ຂອງ​ຄຳ​ວ່າ​ທຸດົງ ທຸດົງຄ໌ ຄື​ວັດ ຫຼື​ແນວທາງ​ແຫ່ງ​ການ​ປະ​ບັດ ຈຳນວນ 13 ຂໍ້ ທີ່​ພຣະພຸດທະ​ເຈົ້າ​ອະນຸຍາດ​ໄວ້​ໃຫ້​ແກ່​ພຣະສົງ ​ເພື່ອ​ເລືອກ​ນຳ​ໄປປະຕິບັດ ​ເພື…

ຮາວ​ທຽນ (ສັຕະບໍຣິພັນ)

Image
ຮາວ​ທຽນ (ສັຕະບໍຣິພັນ)­ ­­ຊາວພຸດ​ລາວ ​ນິຍົມ​ບູຊາ​ພຣະຣັຕຕະນະ​ໄຕຣ ດ້ວຍ​ການ​​ໄຕ້​ທຽນບູຊາ ​ເຊິ່ງທຽນ​ນັ້ນ​ໄດ້ຈາກ​ການ ນຳຮັງ​ເຜິ້ງມາ​ໜຶ້ງ ​​ຕອງ​ເອົາ​ແຕ່ຂີ້​ເຜິ້ງ ​ແລ້ວ​​ເອົາ​ຂີ້​ເຜິ້ງມາ​ພັນ​ເຂົ້າ​ກັບ​ຝ້າຍ ​ເອີ້​ນວ່າ​ສີ​ທຽນ ​ເມື່ອ​ໄດ້​ທຽນ​ແລ້ວ​ກໍ່ນຳ​ມາ​ໄຕ້​ບູຊາພຣະ​ເຈົ້າ(ພຣະພຸດທະ​ຮູບ) ທີ່​ເປັນ​ຕົວ​​ແທນ​ໃຫ້​ແກ່​ພຣະພຸດທະ​ເຈົ້າ ການ​ທີ່​ນຳ​ທຽນ​ມາ​ໄຕ້​ບູຊາ​ນັ້ນ​ຕ້ອງ​ມີ​ບ່ອນ​ຕິດ ​ເພາະ​ທຽນ​ເຜິ້ງນັນ​ຕັ້ງ​ບໍ່​ໄດ້​ຄື​ທຽນ​​ໄຂປະຈຸ​ບັນ ຈິ່ງ​ເກິ​ດມີ​ຄວາມ​ຄິດ​ໃນ​ການ​ເຮັດຮາວ​ເພື່ອ​ໃຫ້​ມີ​ບ່ອນ​ຕິດ​ທຽນ ​ແລະ​ສະດວກ​ໃນ​ການ​ບູຊາພຣະຂອງ​ທຸກ​ຄົນ. ຮາວ​ທຽນ(ສັຕຕະພັນ) ​​ເກິ​ດຂຶ້ນຈາກ​ແນວ​ຄິດພື້ນຖານ ​ຄວາມ​ສັດທາ​ຂອງ​ຄົນ​ລາວ​ບູຮານ ​ທີ່​ມີ​ຕໍ່​ພຣະຣັຕຕະນະ​ໄຕຣ ຈິ່ງ​ຄິດ​ຮູບ​ແບບ​ທີ່​ກາຍ​ມາ​ເປັນ​ສັນຍາ​ລັກ​ຂອງ​ການ​ບູຊາ​ອີກ​ແບບ​ໜຶ່ງ ກາຍ​ມາ​ເປັນ​ຮາວທຽນ ຕາມ​ທີ່​ຜູ້​ຂຽນ​ໄດ້​ເຫັນ​ມາ​ໃນ​ແຕ່ລະ​ທ້ອງ​ຖິ່ນ ​ໂດຍ​ສະ​ເພາະ​ໃນ​ວັດ​ເກົ່າ ໆ ທຸກ​ເມືອງ​ໃນ​ແຂວງ​ໄຊ​ຍະ​ບູລີ, ຫຼວງ​ພະ​ບາງ ​ແລະ​ກຳ​ແພງ​ນະຄອນ​ຫຼວງຈັນ ຈະ​ມີ​ສະຖານ​ທີ່​ບູຊາ​ຢູ່​ໜ້າ​ພຣະ​ເຈົ້າ (ພຣະປະທານ) ຮາວທຽນຈຳ​ແນ​ກ​ໄດ້​ເປັນ ໒ ​ແບບ​ຄື: ​ແບບ​ທີ່​ເປັນ​ຂັ້ນ​ບັນ​ໄດ ຈະ​ມີຫຼາຍ​ຂັ້ນ​ລົດ​ລັ່ນ​ກັນ​ລົງ​ມາ ພົ…